Oora og Gaios

Forboden kjærleik mellom ei jente i eit førindustrielt samfunn og ein oppdagingsreisande frå stjernene. Velskreven, men relativt føreseieleg. Sluttkapittelet som viser korleis hendingane vart hugsa i etterkant er ein flott ide, men litt keisamt utført -- fleire små detaljar burde vore endra

Show More

eller gløymt for å gjere det meir spanande lesing. Boka er veldig kort og lettlesen, men bruker langt over to tredjedeler av sidene på å leggje brikkene på plass før ting endeleg skjer (og då har det vore i korta så lenge at det ikkje er særleg overraskande). Dette hjelp rett nok med å byggje opp romansen som plausibel og verkeleg, men det burde vore mogeleg å ha konflikt og dramatikk overlappe litt meir med den, slik at ting byrjar skje omtrent halvveges gjennom boka i staden for berre i dei siste tretti (av 140) sidene.

Men med tanke på at eg las den på tre kveldar og kva ein rimeleg kan ventast å få plass til på 140 sider var dette ein lettfattleg, sjarmerande og relativt minneverdig lita science fiction-romanse. Tommelen opp.

Show Less